पूर्वीच्या काळी लग्न जमविण्याचे काम करणारी ‘मध्यस्थ’ ही संकल्पना काळाच्या ओघात नामशेष झाली आहे. त्यानंतर उदयास आलेली बहुतेक वधुवर सूचक मंडळे स्थानिक पातळीवर एका मर्यादेत काम करतात. याचबरोबर मोठ्या मॅट्रिमोनिअल वेबसाईट्सच्या कामांमध्ये पारदर्शिता, खुलेपणा यांचा अभाव असल्याची तक्रार बहुतेक वेळा केली जाते. आधीच अल्पसंख्य असलेला मराठी ब्राह्मण समाज नोकरी-व्यवसायासाठी विखुरला गेला आहे. ब्राह्मण ज्ञाती एक समाज म्हणून एकसंघ नाही. यामुळे उपवर मुले आणि मुलींची लग्ने जमवताना असंख्य अडचणींचा सामना करावा लागत आहे. यावर उपाय म्हणून शहरे आणि ग्रामीण भागातील मराठी ब्राह्मण समाजातील उपवर मुले आणि मुलींची माहिती एकत्रित करून आधुनिक तंत्रज्ञानाचा वापर करून ती डिरेक्टरी स्वरूपात प्रसिद्ध करणे आणि कोणत्याही भेदभावाशिवाय समस्त मराठी ब्राह्मण समाजापर्यंत पोचविणे या उद्देशाने ‘मंगलाक्षता’ ची स्थापना करण्यात आली आहे. हा एक वैयक्तिक उपक्रम आहे.